Q&A Details

Sawāl

Assalam-o-Alaikum wa Rahmatullahi wa Barakatuh

Ulama-e-Deen is mas’ala ke talluq se islaah farmayein ke Zaid ka kehna hai ke sirf (la hawla wa la quwwata) padhne se kufr hoga, lekin Bakr ka kehna hai ke kufr nahi hoga.

Jawāb

Al jawab bi aunil malik-il-wahhab

Bismillahir rahmanir rahim

Surat-e-Mas’oola mein Zaid ka kehna galat hai aur Bakr ka kehna sahi hai ke kufr nahi hoga.

• Jaisa ke Imam-e-Ahle Sunnat Sayyidi Ala Hazrat Quddisa Sirruhu farmate hain:

Indal hajat (hajat ke waqt) sirf (la hawla walaa quwwata) ya (la hawla) par iqtisar qabih hai, kufr se koi ilaqa nahi, ke apne hawl-o-quwwat ki nafi ke liye hai, alaa haaza (isi tarah) sirf (la hawla) kehna haraj nahi rakhta.

(Fatawa Ridwiyya, Jild Shasham, S. 116, Raza Academy, Mumbai)

Wa allahu a,alamu bis-sawab

(Hawala: Fatawa Mushahidi, Jild 1, S. 132)