Q&A Details

Sawal

Ek shakhs ko ghusl kī ḥājat hai. Ittifāq se us kī āṅkh aisē waqt khulī jab Fajr kī namāz kā waqt bohot tang ho gayā — aisa ke agar ghusl kare to namāz qaḍā ho jāegī. Kya aisa shakhs ghusl ka tayammum kar ke namāz paṛh sakta hai?

Jawāb

Jab namāz ka waqt is qadr tang ho jāe ke jaldi se ghusl kar ke namāz waqt ke andar na paṛhī jā sake, to agar jism par kahīn najāsat lagī ho to pahle use dhole, phir ghusl ka tayammum kare, wuzū banā kar namāz paṛh le.

Phir ghusl kare, aur sūraj buland hone ke baad namāz dobārah paṛhe.

Yahi Fatāwā Riḍviyah, jild 1, safha 584 mein hai:

Yih us surat mein hai jab ke kali karne, nāk mein pānī ḍālne aur sāre badan par pānī bahāne ke baad do rakat farz paṛhne bhar ka waqt bhī nahīn hai. Aur agar itna waqt to hai lekin sābun waghera lagā kar e‘htimām se nahāne ka waqt nahīn hai, to farz hai ke sābun ke baghair ghusl kar ke namāz paṛhe. Is surat mein agar tayammum kar ke namāz paṛhī to sakht gunahgār hoga — kamā huwaẓẓāhir.

Fatāwā Faiz al-Rasūl, Volume 1, page 171